Katatapos lang ng christmas party ng org namin nang magkayayaan kaming magkakaibigan na mag ghost hunting. Maaga pa nun, mga 6:30pm pero madilim na talaga. Ang plano ay lilibutin lang namin ang school mula sa kinatatayuan namin hanggang sa gate 3 tapos babalik na.

Nagsimula na ang aming paglalakad at mahigpit ang kapit ko sa damit ng isa naming kasama. 22 yrs. old na siya at sabi nya na hindi siya naniniwala sa mga multo at kung makakita man siya, hindi parin siya maniniwala. Ang isa naman naming kasama ng makulit at nanakot at lagi akong ginugulat. Hinablot pa nga niya ang paka ko eh! Huhu!

Madilim na ang paligid ng school kung wala lang ilang ilaw na nanggagaling sa first floors ng buildings. Napadaan kami sa building ng College of Education. Doon ako nag-high school at may ilan na akong narinig na ghost stories doon.

Katulad nalang noong nagpapraktis daw ang mga kaklase ko  doon. Maingay daw sila at nagkukulitan hanggang sa may narinig silang kumalabog. Natahimik sila at nagmamadaling umuwi.

Nalagpasan na namin ang COE building at pumasok kami sa loob ng Integrated building – ang pinakaunang building sa aming eskwelahan. Isang bumbilya lang ang nagbibigay liwanag doon kaya naman nakakatakot. Balak pa nilang sa second floor kami maglakad pero we insist na sa first floor nalang.

Wala kasing kailaw-ilaw sa second floor ng building kaya naman nakakatakot talaga. At isa pa ay marami daw nagpapakita doon.

Korni ano? Ghost hunting na iniiwasan ang lugar kung saan may makikita ka. Haha! Eh sa nakakatakot talaga at saka baka mahuli pa kami ng guard. Patay kami!

Nangkukwentuhan kami habang naglalakad kaya naman hindi masyadong nakakatakot. May nakita pa akong alitaptap. Hehe.

Nang marating na namin ang dulo ng building na iyon ay makikita mo na ang gate 3 kaya naman napagdesisyunan namin na bumalik na. Nag-request muli sila na sa 2nd floor na kami dumaan pero ayaw taaga namin!

Tahimik lang kami habang naglalakad. Puro pagtapak lang ng mga sapatos namin sa hallway at ang mahinang kwentuhan ang maririnig mo. Patuloy parin sa pananakot at panggugulat ang isa kong kaibigan.

Dahil nga doon sa school na iyon ako nag-high school, nakwento ko sa kanila ang tungkol sa building ng COE. Mas lalong ginanahan ang dalawa kong kasama kaya nagyaya silang pasukin namin ang building.

Gusto nila na akyatin namin hanggang rooftop per apat na palapag pa ang aakyatin namin bago marating iyon kaya tumanggi kami. (KJ noh?) At isa pa, sa first floor lang may bukas na ilaw, sa taas ay wala na kaya talagang nakakatakot!

Nakakapit kami sa isa’t isa at nang marating ang ika-tatlong palapag ay huminto muna ang iba. Sobrang dilim na kasi at nilalamig kami. Hindi nga lang namin alam kung dahil ba iyon sa cold breeze na dulot ng Disyembre o dahil sa iba pang dahilan. Tapos may narinig pa kaming “Ssshhh” or something like that.

Nagyaya paring umakyat hanggang rooftop ang isa kong kaibigan pero ayaw na talaga ng mga babae (ako, slight). Kaya bumaba nalang kami.

Nanghinayang sila kasi hindi namin tinuloy. Dalawang palapag nalang at makakarating na kami sa rooftop. Sinabi ng mga kaibigan ko na gustong tumuloy doon na medyo natatakot narin sila kasi talagang malamig at madilim na doon. At isa pa, iba daw ang feeling nila.

Ang sabi ng 22 yrs. old na kasama namin ay baka kuliglig lang ang narinig namin. Bilang isang IT student, hindi daw kami dapat naniniwala sa mga ganoon.

Bumalik na kami sa sarili naming building. 7pm na ata noong mga oras na iyon. Nagpasya ang tatlo sa amin (including me) na makipag-videoke nalang sa mga ka-org namin at ng mga advisers ang iba naman ay tumambay nalang at nagkwentuhan.

Nagulat ang mga advisers namin at bumalik kami. Ang alam kasi nila ay umuwi na kami. Sinabi namin na nag-ghost hunting kami at nakwento ang nangyari sa COE building.

Sabi ng isa kong adviser na doon nagkolehiyo, nagkaklase daw sila dati doon sa rooftop hanggang 8pm at sila ang ang tao sa buong building. Iba daw talaga ang atmosphere at madami daw sa klase nila pati ang guro nila ang may nakita na lalaking nakasuot ng puti na naglalakad. Dahil nga daw doon ay dinismiss sila ng maaga.

Tinanong ko kung na-ulit pa ang pangyayaring iyon. Oo ang sagot niya. Sabi ay nakasanayan nalang daw nila. Pero ang heavy daw talaga ng feeling.

I’ve had enough of scares for today. Matatakutin kasi akong tao. Huhu! Talagang kinikilabutan ako. Sabi ko sa adviser ko na sana ay hindi kami magkaroon ng klase doon.

Ang sabi naman niya ay talagang hindi na naglalagay ng klase doon tuwing ganoong oras. Napalagay naman ako.

Well, kahit saan man kami mag-room ayos lang sa akin basta wala kaming unwanted visitors!!

Iyan ang unang karanasan ko sa paggo-ghost hunt na iniiwasan naman ang mga mumu. Hahaha!

Natatakot ako pero parang na-eexcite. Ewan ko lang kung sasama ba ako ulit kung sakali mang magkayayayaan nanaman ng ganoon.

😛

Advertisements