CHAPTER 2

Inilapag ni Vincent ang kanyang gitara sa gilid ng kanyang kama saka kinuha ang isang larawan mula sa kanyang pitaka. Naging malamlam ang titig niya doon at saka ito marahang hinaplos. Why did you leave? Napabuntong hininga na lamang siya. Don’t you know how much it hurts me? Pinalis niya agad ang mga luhang namumuo sa kanyang mga mata.

Ngayong nasa iisang lugar na sila ulit, hahanapin niya ito. Marami siyang gustong itanong at sabihin sa kanya dahil hindi niya maintindihan kung bakit nito nagawang mawala nalang bigla at kung bakit hindi ito nagsabi sa kanya.

Sa kalagitnaan ng pagdaramdam, biglang sumagi sa isip niya ang babaeng hinalikan niya kanina. Bumangon ang inis na nararamdaman niya dito. Unang araw palang niya doon at hindi niya inaasahan na may ganoong mangyayari. Wala na ba itong alam sa privacy? Bakit may mga taong pumapasok na lang sa bahay ng iba? Bukas na bukas din ay ibabalita niya ito sa landlady niya.

Hinalikan niya ito para matahimik ito tutal iyon naman ang gusto ng mga ito. Maswerte pa nga ang babaeng iyon at natikman nito ang halik niya ng walang kahirap hirap kaya naman nagulat si Vincent nang sampalin siya nito at nagalit pa. But he must admit, he found her cute noong nagtataray ito.

Kahit man siya ay nadala sa paghalik dito. Hindi niya napansin na nasa sofa na pala sila. He was about to make love with her for crying out loud! And he doesn’t even know who she is and why she’s in his apartment. Napansin niyang hindi masyadong marunong humalik ang babae. Iyon marahil ang dahilan kaya galit na galit ito sa kanya. Ninakaw kasi niya ang first kiss nito. Kahit pa siguro fan niya ito, pinapahalagahan parin nito ang mga first sa buhay.

Matutulog na sana siya nang nag-ring ang kanyang cellphone. It’s his mom. “Vincent anak! Kamusta na? Bakit hindi ka man lang dumaan sa bahay eh nakauwi ka na pala? Miss na kita anak.” daing nito.

“‘Ma, I’m sorry. Pero alam nyo naman kung bakit ko ginagawa ito ‘di ba?”

“Oo nga, naiintindihan kita anak. Ang sa akin lang naman ay sana dumaan ka muna dito sa bahay. Hindi mo man lang kami kinamusta.”

“Pasensya na talaga ‘Ma. I’ll make it up to you, okay? Babalik naman ako agad ‘pag nakita ko na siya eh. Sige po. Bye, love you.” sabi niya upang matapos na ang kanilang pag-uusap saka natulog.

Pagkagising ni Vincent ay naghanda na siya agad para sa araw na iyon. Siguradong matatagalan siya sa paghahanap. Akmang lalabas na siya nang nakita niya ang mangkok na pinagkainan niya ng paradusdos. Dala iyon ng weird na babae kahapon. Ayaw man niyang aminin pero masarap ang niluto nito.

Paglabas ng apartment nakita niya agad ang weird na babae mula kahapon na nag-iistretching sa veranda ng bahay ng kanyang landlady na si Aling Doray. He let out a light chuckle as he stared a the weird girl. Mukhang masayang-masaya ito na nag-iistretching habang ninanamnam ang malamig na simoy ng hangin. Mukhang napansin nito ang presensya niya kaya napalingon ito sa gawi niya. Her eyes widened in surprise and shock. Tumayo ito ng maayos at  pilit hinihila pababa ang maliit na pang-itaas. “A-Anong ginagawa mo dito?” tanong nito.

“I live here, remember? Sinugod mo pa nga ako kahapon.” He grinned as he recall what happened yesterday. Biglang nainis ang babae. “Ikaw? What are you doing here you crazy girl? Oh, and cute belly button by the way. Bilog na bilog.”

She scoffed. “Bastos! I live here too. Malas mo lang!”

“Yeah, how unlucky of me.”

“And yabang mo! Hindi mo ba ako kilala?! Palayasin pa kita diyan eh.”

“Oh, look who’s talking. Well, hindi ko na itatanong kung kilala mo ako because I’m sure you do.”

“Jerk!”

“Thank you.”

“Hoy Mookie! Ano ba yan? Kay aga aga eh nakikipagbangayan ka na agad!” Bumukas ang pinto at iniluwa nito si Aling Doray na mukhang bagong gising palang. “Aba! Bakit mo naman inaaway si pretty boy! Uy, pagpasensyahan mo na itong anak ko, ha?”

“‘Nay! Siya naman ho ang nag-umpisa!” Pagdadahilan ni Mookie.

“Hey! It wasn’t me!” Pagtatanggol niya.

Hinampas ni Aling Doray si Mookie sa braso noong akmang sasagot pa ito. “Inglisero anak, manahimik ka nalang.” Bulong nito sa anak. “Ahm, I’m so very sorry pretty boy. She will go now. The customer is always very right.” Sabi nito sa kanya saka isinama si Mooki papasok ng bahay. Naririnig niya ang bangayan ng mag-ina kahit nasa loob na ito ng bahay.

So she’s the landlady’s daughter. Bumalik siya sa loob ng bahay at kinuha ang mangkok. Ang nanay ni Mookie ang nagbukas ng pinto pagkakatok niya sa bahay ng mga ito. “Ay! Tara, kain ka.” Hindi na siya nakasagot nang hilahin siya nito patungo sa hapag kainan. Naroroon si Mookie at nakita niya kung paano nito pagsasaksakin ang kawawang piraso ng tapa. “Anak, ipaghain mo nga itong si pretty boy.”

Tumaas ang tingin nito mula sa tapa papunta sa kanya. Natawa siya sa titig nito na parang sinasabing, “Kung wala si nanay dito ikaw dapat ang sinasaksak ko ngayon!”. He gulped. “Ahh.. Aling Doray ‘wag na ho. Mukhang hindi ako welcome dito.”

Tinitigan ni Aling Doray si Mookie na para bang pinagsasabihan ito. Napabuntong hininga si Mookie at tumayo. “Welcome na welcome ka dito. Umupo ka na at ipaghahain kita.” She said in a monotone voice. Umupo si Vincent sa bakanteng  upuan sa tabi ni Aling Doray at katapat ni Mookie.

“Pasensya ka na sa anak ko ha. Mataray talaga siya kung minsan pero mabait naman. At maganda pa! Alam mo pretty boy, type kita.” Napatitig si Vincent dito. “Para sa anak ko! Ano ka ba, matanda na ko para diyan.” Tumawa ang mga ito.

Pumasok na si Mookie sa kusina dala ang plato, baso, at kubyertos. “Hindi ho pretty boy pangalang nya nanay. Vincent po.” Pagtatama niya dito.

“Ay ganoon ba, naku pasensya ka na pretty b- este, Vincent. Kasi naman napakagwapo mong bata ka. Para kang artista. Eh teka, Mookie, ‘di ba iyon ang pangalan ng kras mo doon sa banda na kinalolokohan mo?” Tinitigan niya si Mookie na animo’y nanunukso.

“Nay!” Saway nito. Nag-blush ito at pati ang likod ng tenga ay namumula rin. Cute. Nasabi ni Vincent sa sarili. Inabot na nito sa kanya ang mga dala at saka bumalik sa upuan.

“So you really are a fan.”

“CHATAP.” Mataray na sagot niya. Agad niyang naramdaman ang malakas na pagsipa ni Aling Doray sa binti niya. Panigil niya ang pag-aray. Alam niyang hindi natutuwa ang nanay niya sa pinapakita niya sa bisita nila kaya hindi nalang siya nagsalita pa. Bisita? Bwisita kamu!

Hindi niya maintindihan kung bakit kailangan pang isabay ng nanay niya si Vincent sa pagkain. Hindi niya magawang matuwa dahil naiinis parin siya dito hanggang ngayon dahil sa kapangahasan nito kahapon.

Walang siyang imik habang nagkukwentuhan ang mga ito tungkol sa mga bagay bagay. Nakwento nito ang tungkol sa career habang si Aling Doray ay nagkukwento tungkol sa mga tsismis na nabalita ng mga kumare nito. Nakasundo niya agad ang matanda at halatang aliw na aliw din ito sa kanya.

“Ikaw nga iyong nasa banda kung ganoon? Eh bakit ka naman napadpad dito?” Tanong ng nanay niya dito. Napaangat siya ng tingin dahil napukaw noon ang interes niya.

“Eh…” Napangiti na lamang ito sa kanila. But the smile didn’t reach his eyes at napansin niya ito. Pilit parin itong kinukulit ng kanyang ina ngunit napansin niya ang pagiging uncomfortable ng kanilang bwisita.

“Nay, wag nyo na pong pilitin kung ayaw.” Mataray na pagsaway niya sa ina. She saw the relief on his face nang tumigil na ang kanyang ina. Pagkakain ay nagpaalam na si Vincent sa kanila.

“Bakit kaya ayaw sabihin ni Vincent ang dahilan ng pagpunta niya dito?” tanong ni Aling Doray sa sarili.

“Pabayaan mo na ‘Nay. Wala na tayong pakialam doon. Pabayaan mo na iyong tao.” Ngunit kahit na sinabi niya iyon, siya mismo ay iniisip parin ang dahilan ng pagtungo nito sa kanilang lugar. Maaaring dahil sa bakasyon o para lang mag-relax. Pero bakit sa isang simpleng apartment lang ito tumuloy at hindi sa isang magarbong resort? At bakit hindi nito masabi ang dahilan? May pinagtataguan ba ito?

She dismissed all her thoughts about him. Siya na mismo ang nagsabi.. wala na silang pakialam doon. Pagkaligo at pagkabihis ay tinungo na niya ang kotse niya sa garahe at nagtungo na sa kanyang shop.

Hindi naman nya masasabing successful na siya pero her business is progressing slowly but surely. Hindi man halata sa unang tingin pero she loves music. Kaya niyang tumugtog ng gitara, at piano. Kaya rin niyang gumawa ng sariling kanta. Kaya naman kahit na computer-related course ang kinuha niya ay hinahanap hanap parin niya ang tawag ng musika. Tumutugtog siya dati sa mga clubs ngunit hindi siya nasiyahan sa income niya dahil hindi niya matulungan ang kanyang pamilya kaya naman pumasok siya sa pagnenegosyo. Gamit and kaunting ipon at utang sa mga kaibigan at bangko, naipatayo niya ang Riff Notes.

Hindi naman kalakihan ang shop ngunit hindi rin masikip. The interior of the shop has this hip and modern but classy feel. They offer different musical instruments na common gamitin, CD’s, and even tutorial every summer vacation. They target the little kids and teenagers in their market and adults too. Sila lang ang may music shop sa lugar nila kaya naman malakas ang kita. Unting unti na niyang nababayaran ang mga utang. Agad siyang sinalubong ng mga dating ka-bandmates na ngayon ay mga kasama na niya sa shop.

“Hoy bruha! Ikaw ha, hindi ka nagkukwento!” sabay hampas sa kanya ni Cheska. Ito ang kanyang matalik na kaibigan at ang drummer nila dati sa banda. Kahit pa na sabihing babaeng babae ang dating nito, napakagaling nito sa pagtugtog ng drums. “Tumutuloy sa inyo si Vincent!”

Nanlaki ang mga mata niya sa sinabi nito. “Shhh! Wag kang maingay! Cheska, kahapon ko lang din naman nalaman. Nagulat din naman ako.” Tanggol niya sa sarili.

“Wag mo ngang maaway-away si Mookie! Napaka-war freak mo talaga. If you dare lay a hand on her again hinding hindi na kita papautangin!” Sabat ni Jester na dati nilang vocalist. Matagal na itong may gusto sa kanya ngunit hindi niya kayang suklian ang pagmamahal na ibinibigay nito. Hanggang kaibigan lang ang tingin niya dito at naiintindihan naman ito ng lalaki. Ngunit nagiging overprotective ito kung minsan.

Napailing na lamang siya. How she wish Sabrina was there with them. Ito ang mediator ng grupo. Tahimik lang ito ngunit kapag nagsalita ay talagang wala ka nang maiihirit pa. Hindi na ito nagpakita sa kanila mula nang mabuwag ang banda. Ang alam niya ay nagpunta ito ng Manila to pursue her music career.

Lumambot ang expression ni Cheska at saka ikinawit ang braso kay Jester. “Eto naman, hindi na mabiro. Biro lang naman ang paghampas ko kay Mookie. Sori na, ha? Papautangin mo parin ako?”

Agad inilayo ni Jester ang sarili sa kaibigan. “Oo na, basta wag ka nang maglalambing ng ganyan. Nakakakilabot.” Inirapan ito ni Cheska.

“Paano mo ba nalaman na tumutuloy sa apartment namin iyong mokong na yun?” Tanong niya. Dahil ang sa alam niya ay pagkalabas niya ng apartment ni Vincent ay pinagsabihan niya ang mga nagsibalik na usisero at usisera na huwag na huwag ipagsasabi na tumutuloy sa kanila si Vincent dahil mahirap na ang magkagulo. Imposibleng may nagsabi dahil kilala siya sa kanila at tiyak na naintindihan ng mga ito ang sitwasyon.

“Nagpunta ako sa inyo kahapon. Bibisitahin ko sana kayo ni Aling Doray eh nakita ko nagkakagulo. Ayun, nalaman ko.” Paliwanag ni Cheska. Tinitigan niya ito ng matalim. “P-Pero wala pa naman akong pinagsasabihan na ibang tao! Promise! Secret lang ‘to!”

“Kung ganoon, paano nalaman ni Jester?”

Tumawa ito at saka inakbayan siya. “Girl, hindi naman ibang tao si Jester noh.”

“Don’t worry Mookie. The secret is safe with me.” Sabi ni Jester.

“Naku Jester, tigilan mo na iyang pagpapa-cute kay Mookie dahil wa epek yan. Shoo-shoo, magbantay ka doon.” Pagkasabi noon ay mabigat ang loob na iniwan sila ni Jester at nagpunta sa counter. “Hay sa wakas wala na ang asungot.” Sinuway niya ito sa tingin. “So? Hindi naman magagalit yan sa akin. Bestfriend mo ako so kapag inaway niya ako lagot siya. At saka friends din naman kami.”

“Kung hindi lang kita kilala iisipin ko may gusto ka kay Jester.”

“Eww! Alam mo naman na si Ian is the only one for me!” kinikilig nitong sabi. “Enough of this, give me details!”

“Huh?”

She rolled her eyes. “Pa-innocent effect pa si bestfriend! Para namang hindi ko alam na dead na dead ka kay fafa Vincent mo!” Nakangisi ito. “At bakit mokong ang tawag mo sa kanya kanina? Halos sambahin mo siya noon tapos ngayon ganoon nalang.”

“Nothing happened.” Pagsisinungaling niya.

“Oh come on. I know you since we’re in diapers, Mookie.”

“Fine. He kissed me.”

Nanlaki ang mga mata nito at kilig na kilig na tumili. “He kissed you?!” Napalingon ang ilang customers sa kanila pati si Jester. Agad siyang nagpaumanhin sa mga ito ngunit nakatitig parin sa kanila si Jester. Pinagsabihan niya si Cheska. “Sorry. Ikaw naman kasi binigla mo ako! So how was it? Was he a good kisser? Torrid ba?”

Napangisi narin siya. “Well… it felt really good.” Sabay silang bumingisngis. “Pero biglaan ang lahat ang he’s such a jerk. Ayoko na sa kanya.” Ikinuwento niya dito ang nangyari.

“Iba ang nakikita ko sa iyong unusually sparkly eyes and rosy cheeks. Ang blooming mo friend! Showbiz ka ha! Baka naman nasaktan lang ang pride mo. Ganoon lang talaga siguro, sikat eh. Baka ganoon lagi ang intentions ng mga babae na lumalapit sa kaniya sa Manila. Alam mo naman there, marami ang liberated. Baka ngayon lang nakakita ng manang.” Sabay talikod nito sa kanya at nilapitan ang isang customer na tumitingin ng gitara.

“Sinong manang?! I am not a manang! Hindi ko ibibigay ang sweldo mo!” banta niya. Tumawa si Cheska. Pumasok na siya sa loob ng office niya at pabalag na isinara ang pinto.

Hindi siya manang! She is just uptight ang righteous. So what kung no boyfriend since birth siya at hindi nagsusuot ng palda? Manang na bang maituturing iyon? It’s just her. Wala namang masama kung poprotektahan niya ang sarili sa mga mapagsamantalang lalaki. What happened yesterday was pure bad luck.

Pero ayaw man niyang aminin pero she maaaring tama nga si Cheska. Nasaktan lang ang pride niya and she never hated Vincent for kissing her. Nainis siya dahil ang isa sa mga pinakaiingatan niya para sa lalaking mamahalin ay nakuha nalang sa kanya ng basta basta ng lalaking hindi niya lubos kilala ang pagkatao. Bakit mabilis niya itong napatawad sa paghalik sa kanya? She might know his name pero his character is still a mystery. Sino ba talaga si Vincent Arellano? She wants to know more about him. She’s not curious just because she’s a fan but because she just want to. After what happened yesterday at kanina mas lalong nagwawala ang puso niya.

She never liked him because he’s famous. Matagal na niya itong nakilala. She met him in one of VIXEN’s gigs noong hindi pa kilala ang banda nito. May gig din ang banda nila noon doon sa bar na iyon. Nagpaiwan siya sa bar pagkatapos nilang tumugtog upang panoorin ang VIXEN. Humanga siya sa pagtugtog nito ng gitara. His strums were always perfect at mukhang masayang masaya ito sa pagtugtog. For her, he looked stunning on that stage. She knew that he loves music the same intensity she does. His handsome face is just a bonus. Even if the rest of his bandmates are good looking too, nangibabaw talaga ito sa kanya.

After that gig ay sinundan niya ang mga ito para lang makita pa ng matagal ang binata. Nagulat siya nang mahulog ang guitar pick nito ngunit nahiya siya na iabot iyon dito. Naisip nalang niya na ibigay ito dito sa susunod na gig nito sa bar na iyon ngunit hindi na nagbalik ang mga ito. Nalaman nalang niya isang araw na na-release na ang album at music video ng mga ito.

<<<PREVIOUS ************************************************ NEXT>>>

Advertisements